Oeh wate beungoh

[Asai Gamba](http://www.istitutosuperioredadda.it/joomla/materiale_didattico/Minonzio/DAUMIER/)

Oh wate beungoh ureung dum ula ili bak jalan. Meunyo di kuta bak jalan itam, rame urung ula ili jak keurija bak kanto-kanto atawa jak intat aneuk mit bak sikula. Na sit peulisi nyang sibok di meuato bak jalan nak bek mecet.

Laen di kuta laen di gampong. Meunyo digampong ureung takalen bak taloe jalan geujak ngon tapak atawa ngon geuritan angen, geuba cangkoi geujak u blang. Na sit nyang jak u lampoeh jak pula pupu yang jeut.

Sideh di glee pih lageenyan rupa. Wate beungoh ureung ka geubeudoh geuberangkat keudeh u glee. Ureung nyan pih geujak keurija pupu yang mungken, geutajoek kacang atawa geujak pileh pineng atawa but-but nyang laen.

Sideh bineh laot pih saban. Oeh wate beungoh geujak preh boet ka diwo. Geujak pileh eungkot atawa geujak tarek pukat. Na yang geuleug lapak laju inan na sit yang geuba u pasai.

Nyan meunan peasan oeh wate beungoh. Maseng-masing na keurija jak mita raseuki ubebena daya.

Tinggalkan Balasan

Alamat email Anda tidak akan dipublikasikan. Ruas yang wajib ditandai *