Ie saka

[Asai Gamba](http://aceh.tribunnews.com/2016/03/23/bukan-pengguna-narkoba-tapi-saat-di-tes-kok-positif)

Na neuteupu pu nyan ie saka? Ie saka nakeuh ie yang taboeh saka. Jadi dalam ie puteh tapaso saka lheuhnyan tacawo. Nyan keuhnyan yang geukheun ie saka. Nyan singeh meunyo na yang tanyeng pu nyan ie saka bek sampe hana meupu peugah.

Nyan meunyo gata hawa keu ie saka tinggai neublo saka neupaso laju lam ie, lheuhnyan neucawo, kajeut keu ie saka. Lheuhnyan neujep laju. Leubeh got meunyo neupeuget ie saka nyan neupakek ie yang agak tutong bacut, sabab meunyo neupakek ie leupi beasa jih meube hanyi.

Nyang lagak lom lam ie saka nyan ueboeh boh kuyun bacut. Bek neutik laju meunan, tapih neucok boh kuyun neuplah lheuhnyan neu picet ie ji lam ie saka. Jadi kana nyum masam-masam bacut kalagak. Meunyo peurle bek puteh that, neu tik kupi meu dua boh sendok. Nyan kahayeu lom.

Ie saka nyan le that manpaat jih. Beasajih meunyo na ureung pitam langsong geubi ie saka. Awak maen bola pih ladom ban lheuh di maen dijep ie saka sit, dipakek eh lom. Aleh pakon hom, hana tateupu lom. Golom meutume tanyeng bak awak maen bola.

Lheuhnyan lom ie saka nyan jeut tahimat peng. Jadi wate neujak u kude neuba saka, neulake ie puteh manteng bak po kide, lheuhnyan neucok laju saka dro, neucawo ju. Nyan ie puteh beasajih pre atawa hana payah bayeu.

Tinggalkan Balasan

Alamat email Anda tidak akan dipublikasikan. Ruas yang wajib ditandai *